اوعي تكشر 😂💔

قاعدين في القهوة وجمبنا واحد بوري في صاحبو مقطع فيديو ، وبقول ليهو كشف .. كشف ، المهم صاحبو عجبو الفيديو وقال ليهو : والله يا مان دا هز الجِن ، أنا لفتني وصف ( هز الجِن ) دا ، وبديت افكر هل قصدو تعبير عام زي لما نقول ( كورة من الموت ) ، أو ( يا جن تعال ) ، ولا هم شافو جن بهز ولا كيف !
ولأني قاعد ساي وما مشغول بي شيء سألتو عن الحاجة دي ، ف قام عاين لي من فوق لي تحت بي استهجان كدا وقال لي : يا معلم انت ما بتقرأ قرآن ولا شنو ؟
انا في اللحظة دي حسيت بالإندهاش وخفت يكون في حاجة واضحة فايته علي بس ما خوف شديد ، ف قلت ليهو : قاعد اقرأ ايوا ، ليه ؟ .. قال لي : ما لاقتك الآية ( فلما رآها تهتز كأنها جآن ) ، ف قلت ليهو الجان دا مفروض الشيطان وكدا يعني ؟
قال لي ايوا انت قادي اسلامية وعربي الاتنين .. وضحك مع صاحبو ضحكة عالية كدا ، ف شلتا كباية القهوة واخدت منها رشفة في مشهد تراجيدي وعاينت بعيد كدا واتلفت عليهم تاني وقلت ليهو يؤسفني يا عزيزي اقول ليك إنو فهمك للآية غلط ، وإنو الجان المذكور هنا هو نوع من الثعابين سريع الحركة ، وسمي بالجان لانو من سرعتو كأنو بختفي ، وفي لغة العرب كل اشتقاق من ( جن ) بدل على حاجة مخفية كدا ، ف الجن سموه جن لأنو خفي ، والجنة سموها جنة لأنها مخفية ، والجنين سموه كدا لأنو قاعد جوة بطن امو ، والجنائين لأنها مخفية وراء الاشجار ، والإنسان بقولو عنو مجنون لما يختفي عقلو ، وربنا لما قال ( فلما جنّ عليه الليل ) عشان اظلم وبقى ما شايف شيء ..
ف قام قال لي والجنيه حقنا سموه جنيه لانو مختفي وما عندو قيمة صح ، ومدا يدو لي صاحبو وضربها وقعدو يضحكو تاني بي صوت عالي ، ف قلت ليهم خلاص كفاية كدا خليني احكي ليكم عن " حتى يلج الجمل في سم الخياط " وانو الجمل هنا ما الإبل حسب رأي فئة من أهل العلم ، ف قال لي يا زول انت داير تصاحبنا ولا شنو
وقامو مشو وقال لي صاحبو ارح نطلع من حصة الاسلامية دي وتركوني وحيدًا حزينا انظر للقهوة وقد بردت بسبب اني كنت بتكلم ، عاينت يميني لقيت في واحد براهو ابتسمت ليهو ، قام طوالي شال تلفونو وطلع برضو ..

#خيال_ساي

www.tg-me.com/us/اوعي تكشر /com.booha98/60119

321 viewsAbďó òšh 🎃🔥, Jun 20 at 19:58

قاعدين في القهوة وجمبنا واحد بوري في صاحبو مقطع فيديو ، وبقول ليهو كشف .. كشف ، المهم صاحبو عجبو الفيديو وقال ليهو : والله يا مان دا هز الجِن ، أنا لفتني وصف ( هز الجِن ) دا ، وبديت افكر هل قصدو تعبير عام زي لما نقول ( كورة من الموت ) ، أو ( يا جن تعال ) ، ولا هم شافو جن بهز ولا كيف !
ولأني قاعد ساي وما مشغول بي شيء سألتو عن الحاجة دي ، ف قام عاين لي من فوق لي تحت بي استهجان كدا وقال لي : يا معلم انت ما بتقرأ قرآن ولا شنو ؟
انا في اللحظة دي حسيت بالإندهاش وخفت يكون في حاجة واضحة فايته علي بس ما خوف شديد ، ف قلت ليهو : قاعد اقرأ ايوا ، ليه ؟ .. قال لي : ما لاقتك الآية ( فلما رآها تهتز كأنها جآن ) ، ف قلت ليهو الجان دا مفروض الشيطان وكدا يعني ؟
قال لي ايوا انت قادي اسلامية وعربي الاتنين .. وضحك مع صاحبو ضحكة عالية كدا ، ف شلتا كباية القهوة واخدت منها رشفة في مشهد تراجيدي وعاينت بعيد كدا واتلفت عليهم تاني وقلت ليهو يؤسفني يا عزيزي اقول ليك إنو فهمك للآية غلط ، وإنو الجان المذكور هنا هو نوع من الثعابين سريع الحركة ، وسمي بالجان لانو من سرعتو كأنو بختفي ، وفي لغة العرب كل اشتقاق من ( جن ) بدل على حاجة مخفية كدا ، ف الجن سموه جن لأنو خفي ، والجنة سموها جنة لأنها مخفية ، والجنين سموه كدا لأنو قاعد جوة بطن امو ، والجنائين لأنها مخفية وراء الاشجار ، والإنسان بقولو عنو مجنون لما يختفي عقلو ، وربنا لما قال ( فلما جنّ عليه الليل ) عشان اظلم وبقى ما شايف شيء ..
ف قام قال لي والجنيه حقنا سموه جنيه لانو مختفي وما عندو قيمة صح ، ومدا يدو لي صاحبو وضربها وقعدو يضحكو تاني بي صوت عالي ، ف قلت ليهم خلاص كفاية كدا خليني احكي ليكم عن " حتى يلج الجمل في سم الخياط " وانو الجمل هنا ما الإبل حسب رأي فئة من أهل العلم ، ف قال لي يا زول انت داير تصاحبنا ولا شنو
وقامو مشو وقال لي صاحبو ارح نطلع من حصة الاسلامية دي وتركوني وحيدًا حزينا انظر للقهوة وقد بردت بسبب اني كنت بتكلم ، عاينت يميني لقيت في واحد براهو ابتسمت ليهو ، قام طوالي شال تلفونو وطلع برضو ..

#خيال_ساي

BY اوعي تكشر 😂💔